الرعب بأرقام المخدرات جامعة أون لاين - بتاريخ: 7/3/2009
تعرف ايه عن المخدرات ؟
سؤال ساذج اكيد تعرف عنها كتير اوى مثلا انها انواع واشكال وكتيرة ده غير ان كل نوع له ميزة عن النوع التانى فاكيد فى فرق سواء فى الدماغ الى بيعملها و تأثيره وكمان وبيفرق فى سعره او طريقة تحضيره وحاجات تانية كتير ممكن تكتسبها من خبراتك الحياتية .لان المخدرات ديلوقتى فى كل حتة والبانجو عمالوله باكتة زى ما انت عارفوالموضوع وسع اوى لدرجة ان فى اماكن خصوصا العشوائيات البيع فيها بقى على عينك يا تاجر وفى الشارع على طريقة خد فى حجرك واجرى . وداخلين على مرحلة الديليفرى .
الموضوع قديم اوى وناس ياما اتكلموا فيه قبل كده ميت مرة ومرة طب انا ليه جاى اتكلم فيه النهاردة اقولك .
الارقام المفزعة
ايوة ده كان عنوان مقال قريته فى جريدة ما واكتشفت بعد السطور الاولانية من المقال ان الارقام دى كلها عن المخدرات وكلها احصائيات معمولة عن تجارتها و مدمنيها و اضرارها و الاحصائيات دى من مصر و من برة مصر كمان معمولة عن مصر اللى بقيت بتتصدر القارة السوداء فى التجارة دى و بعد ما قريت الارقام انا فعلا اتصعقت و الجرنال ساح فى ايدى من الخضة وعرفت ان فيلم الكيف ما اثرش التاثير اللى المخرج كان عايزه وعشان كده قول انقل لكم الارقام دى يمكن تشوفه فيها حاجة تنبهكم مرة تانية .
اليكم الارقام :
- الشعب المصرى ينفق على تعاطى المخدرات ما يقرب من ٣٠ مليار جنيه سنوياً "ملحوظة:فى كمان 20مليار بيتصرفوا على مكالمات الموبايل**الناتج القومى 480 مليار**"
- ٧ ملايين شاب وفتاة من سن ٥ سنوات يتعاطون هذه المخدرات اى ان عشر سمكان مصر الان يعيشون فى غيبوبة تامة " والله يا ريتها كانت غيبوبة انما دى انيل"
- مساحة الأراضى المزروعة بالأفيون فى سيناء فقط بلغت مليون متر مربع، " الحمد لله ديلوقتى عرفت سبب ازمة الدقيق "
- تقرير الأمم المتحدة عن المخدرات يكشف أن مصر أصبحت تشكل أكبر سوق للأفيون فى أفريقيا، كما تحتل المرتبة الثانية على مستوى القارة فى انتشار وتعاطى المخدرات بأنواعها.
- المفزع فى التقرير هو قوله إن مصر تستهلك المساحات المزروعة بها محلياً، أى لا تقوم بتصديرها " اكتفاء ذاتي من الكيف آه يا شعب يا متكيف "
- حتى تعرفوا حجم الأزمة، وتصدموا مثلى تماماً، تأملوا معى معلومات صندوق مكافحة وعلاج الإدمان:
- ٦٢.٥٪ من متعاطى المخدرات عمرهم بين ٥ و١٠ سنوات.. ٣٠.٨٪ بدأوا التعاطى فى سن ١٠ إلى ١٤ سنة، و٧٠٪ من الشباب يتعاطون المخدرات فى الشارع. أكثر المخدرات انتشاراً بين الشباب: البانجو ٩٥.١٪ - الحشيش ٢١.٦٪ - الأقراص المخدرة ٣٤٪. ولا فرق بين الأغنياء والفقراء فى التعاطى، فالأوائل يمثلون ٦٩.٤٪، أما الفقراء فـ٣١٪.
خذوا أيضاً من المركز القومى للبحوث الاجتماعية والجنائية هذه الأرقام:
- ١١٪ من تلاميذ الثانوى مدخنون، ١٦٪ منهم بدأوا قبل سن ١٢ سنة، ٢٥٪ قبل مرحلة الثانوى، و٨٣.٤٪ من طلبة الثانوى تعاطوا المخدرات عن طريق الأصدقاء، ٥٨٪ منهم يوجد فى أسرتهم شخص أو أكثر يتعاطى، ٣٠٪ من المدمنين يتحولون لمرضى عقليين نتيجة تليف خلايا المخ، و٥٪ منهم يموتون كل ثلاث سنوات.
هل تريدون المزيد من وزارة الداخلية؟:
-٢٥٠ ألف شخص دخلوا السجون بسبب المخدرات، منهم ٧٥٪ بسبب البانجو وحده. وفى السنوات العشر الأخيرة زاد حجم الاتجار فى المخدرات على ٢٠٠ مليار جنيه!!
الموضوع مرعب و الشباب فى الشوارععلى النواصى و فى الشوارع الخلفية والامامية وعلى البحر و فى الانفاق و حتى فى الكليات كمان. ماسكين كيفهم و بيكيفوا نفسهم بنفسهم ... اللى بيشد كُلة و اللى بيرشق سرينجة فى دراع صاحبه بعد ما صاحبه لف له سيجارة بفلتر كرتونة و اللى ماسك كوباية فى القهوة بيكسر نظرية ان الاوكسجين لازم لعملية الاحتراق و تسييح الحشيش .
بس الموضوع مش بعيد عنك انا واثق ان فى حد انت تعرفه شخصيا مدمن خصوصا الشباب اكتر من البنات . اكيد انت تعرف انه بيدخن و بينك وبين نفسك مش مستبعد انه يكون حشش مع صحابه فى ليله عيد مباركة ولا اخر يوم من امتحانات الثانوية العامة ولا فى قاعدة صباحى على البحر. ولما انت تبقى تعرف واحد وانا اعرف واحد و ده وده فعلا تقريبا هتلا قيهم 7 مليون .
ودورك ودورى اننا ما نبطلش ننصحهم وناخد يايدهم على الاقل اللى لسة واخدين الموضوع تفاريح ولسة ما وصلوش لمرحلة الادمان . وخلي بالك على نفسك انت كمان . تاك كير يا بيبي
منقول شبكة مسجد القدس
نوع المتصفح
عدد المساهمات
نقاط
