قصيدة مؤثرة ( تحكي قصة مدمن المخدرات )

سمعت قصـة واحـد بالسجـون

يقول انا للذبـح بالسيـف هايـب

يقول افضل بالرصاص اقتلونـي

والعين من دونه تحول النصايـب

لعل بعض الناس مـا يعرفونـي

ودي لو التنفيـذ والنـور غايـب

انتم عرفتم قصتـي وارحمونـي

اخشى على بويه تطول المعايـب

لو يعرف اني مـروج للفيونـي

واني لشره لأهل الاسلام جايـب

ومدمن حشيش ومثقـل بالديونـي

يدعي علي ودعاه لا شك صايب

ولا يخبرون اللي بطبعه حنونـي

الوالده تكثـر عليهـا المصايـب

اخاف لا دريت يصيبها جنونـي

وتصير معتالة على راس شايـب

من ضاع عقلة ما يفيد العيونـي

والعقل من رب الخلايق وهايـب

واللي جرحني وزاد في الطعونـي

وقلبي عليه من اول العـام ذايـب

جماعتي مـن لبنتـي قاطعونـي

كيف الفتى ينساه حتـى القرايـب

كلـه سبايـب شلـة دهورونـي

وصار الثمن راسي عليه النصايب

حسبي عليهـم شلـة ضيعونـي

الموت حان وشد يمـي ركايـب

ومشيت في درب السراب مغبوني

والعقل في درب المهاميل سايـب

الله يرميهـم مثـل مـا رمونـي

موت المهونة شلتي بـه سبايـب

ما طعت يوم الطيبين انصحونـي

ولا ينصح الانسان غير الحبايـب

يالله وامرك بين كـاف ونونـي

خلقتني ما بين صلـب وترايـب

عوض علي دنياي واحسن ظنوني

واغفر لمن قلبه عن الشين تايـب

ياللي حضرتم مقتلـي سامحونـي

وهذي نهاية قصتـي بالسبايـب